Descrición
Novembro, tempo dos Magostos, o rato Renato andaba na procura dunha casa para abeirarse do frío e escolleu unha cabaza para pasar o inverno.
A cabaza era tan xeitosa que unha rapaza chamada Uxía que por alí pasaba, fixouse nela, e coa axuda do seu avó, levárona ata a súa casa para decorala e levala á festa do Samaín.
O rato, que era moi teimudo, seguiu os pasos de Uxía e do seu avó, para tentar recuperala. Neste intento, Renato coñecerá a Breogán, un porco celta que lle axudará na súa difícil tarefa. Sen sabelo, ambos vanse mergullar na noite do Samaín descubrindo as tradicións das festas populares dos Magostos.
Ao final do conto hai 4 páxinas de xogos para que @s nen@s aprendan un pouquiño máis sobre o Magosto.
